അമ്പലപ്പുഴ: ദേശീയപാതയിൽ അറവുകാട് ഭാഗത്ത് കഴിഞ്ഞ രാത്രിയുണ്ടായ അപകടത്തിൽ പരിക്കേറ്റ പുന്നപ്ര തെക്ക് പഞ്ചായത്ത് കൊടിവീട്ടിൽ രഘു (58) മരിച്ചു. നടന്നുപോകവേ ടൂ വീലർ തട്ടി റോഡിൽ വീണ രഘുവിന്റെ ശരീരത്തിലൂടെ പിന്നിൽവന്ന ലോറി കയറിയിറങ്ങി. നാട്ടുകാർ ഉടൻ ആലപ്പുഴ മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: വാസന്തി. മക്കൾ: ധന്യമോൾ, ധർമരാജ്.
