പറവൂർ: നഗരത്തിലെ വ്യാപാര സ്ഥാപനത്തിന് മുന്നിൽ നിർമാണ തൊഴിലാളിയെ തൂങ്ങിമരിച്ച നിലയിൽ കണ്ടെത്തി. തത്തപ്പിള്ളി ചൂളക്കൽ മഹേഷാണ് (52) മരിച്ചത്. ഞായറാഴ്ച രാവിലെ റോഡിലൂടെ പോയവരാണ് കടയുടെ മുന്നിൽ ഇയാൾ തൂങ്ങിനിൽക്കുന്നത് കണ്ടത്. പൊലീസ് എത്തി മൃതദേഹം താലൂക്ക് ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം സംസ്കരിച്ചു. 15 വർഷമായി ഇയാൾ വീട്ടുകാരുമായി അകന്നു കഴിയുകയായിരുന്നെന്നും മരണത്തിൽ മറ്റുദുരൂഹത ഇല്ലെന്നും പൊലീസ് പറഞ്ഞു.