ആറാട്ടുപുഴ: നിയന്ത്രണംവിട്ട ബൈക്ക് മതിലിലിടിച്ച് വ്യാപാരി മരിച്ചു. വ്യാഴാഴ്ച ഉച്ചക്ക് 12.30ഓടെ കൊപ്പാറേത്ത്-കൂലുത്തേൽ ജങ്ഷൻ റോഡിൽ വയലുവീട്ടിൽ ഭാഗത്തായിരുന്നു അപകടം. പുതിയവിള കൊപ്പാറേത്ത് ഹൈസ്കൂളിന് സമീപം കറുകശ്ശേരിൽ വാടകക്ക് താമസിക്കുന്ന കൊല്ലം വടക്കേവിള മുള്ളുവിള കണ്ണാടത്തുവീട്ടിൽ സജിലാലാണ് (47) മരിച്ചത്. തലക്ക് സാരമായി പരിക്കേറ്റ സജിലാലിനെ ഉടൻ കായംകുളം താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
കണ്ടല്ലൂർ പടിക്കാത്തറ ജങ്ഷനിൽ കുലക്കട നടത്തിവരുകയായിരുന്നു. ഭാര്യ: അമ്പിളി. മക്കൾ: പൂജാദേവി, നന്ദികാദേവി.
