തലയോലപ്പറമ്പ്: അമിതവേഗത്തിൽ എത്തിയ കാറിടിച്ച് ബൈക്ക് യാത്രികൻ മരിച്ചു. വെട്ടിക്കാട്ടുമുക്ക് മിടായിക്കുന്നം മടത്തിക്കാലായിൽ മുല്ലാനയുടെ മകൻ സമീറാണ് (27) മരിച്ചത്. വെട്ടിക്കാട്ടുമുക്കിൽനിന്ന് അരയൻകാവിലേക്ക് പോകുന്ന വഴി തൃപ്പൂണിത്തുറ ഭാഗത്തുനിന്ന് അമിത വേഗത്തിൽ എത്തിയ കാർ ബൈക്കിൽ ഇടിക്കുകയായിരുന്നു. ഉടൻ എറണാകുളത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: ആരിഫ. സഹോദരൻ: മുനീർ.
