മുണ്ടക്കയം: ദേശീയപാതയിൽ പൈങ്ങണക്ക് സമീപം ബൈക്കിടിച്ച് ലോട്ടറി കച്ചവടക്കാരൻ മരിച്ചു. പുഞ്ചവയൽ കോളരിക്കൽ വർഗീസ് (70 - കുഞ്ഞൂഞ്ഞ്) ആണ് മരിച്ചത്. നടന്ന് ലോട്ടറി വിറ്റുവന്നിരുന്ന വർഗീസിനെ ബൈക്ക് ഇടിക്കുകയായിരുന്നു.
കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ഭാര്യ: മേലുകാവ് കണ്ണംകുളം കുടുംബാംഗം ലൗലി. മക്കൾ: സ്വപ്ന, കൽപന. മരുമകൻ: ഷിബു. സംസ്കാരം വെള്ളിയാഴ്ച സെന്‍റ് മേരീസ് പള്ളി സെമിത്തേരിയിൽ.
