ആലപ്പുഴ: മദ്യലഹരിയിൽ യുവാവ് ഓടിച്ച കാർ നിയന്ത്രണം വിട്ട് സ്കൂട്ടറിൽ ഇടിച്ച് യുവതി മരിച്ചു. നഗരസഭ സീവ്യൂ വാർഡ് വടക്കേക്കളം വീട്ടിൽ ടീന എബ്രഹാമാണ് (37) മരിച്ചത്. കെ.എസ്.ഡി.പിയിൽ സീനിയർ അക്കൗണ്ടന്‍റായ ടീന വെള്ളിയാഴ്ച വൈകീട്ട് 5.30ഓടെ ഓഫിസിൽനിന്ന് മടങ്ങുംവഴി വെള്ളാപ്പള്ളി പള്ളിക്കുസമീപം ആലപ്പി കമ്പനിക്ക് മുന്നിലാണ് അപകടമുണ്ടായത്. കാർ സ്കൂട്ടറിലിടിച്ചശേഷം സമീപത്തെ മരത്തിലിടിച്ചാണ് നിന്നത്. ടീനയുടെ ഭർത്താവ്: രാജുമോൻ (അധ്യാപകൻ, മാർ ഗ്രിഗോറിയോസ് കോളജ്, പുന്നപ്ര). മകൻ: ജോസഫ്. കാറോടിച്ചിരുന്ന തിരുവമ്പാടി എ.എൻ പുരം കുഡുംബി കോളനിയിൽ രാജേഷിനെ (26) പിടികൂടി. മദ്യപിച്ച് വാഹനമോടിച്ച് അപകടമുണ്ടാക്കിയതിന് ഇയാൾക്കെതിരെ നോർത്ത് പൊലീസ് കേസെടുത്തു.
