തലയോലപ്പറമ്പ്: വയോധികയെ കിണറ്റിൽ മരിച്ച നിലയിൽ കണ്ടെത്തി. ചെമ്പ് ഏനാദി പാലക്കാട് മലയിൽ പൂവന്‍റെ ഭാര്യ മാധവിയെയാണ് (93) സമീപത്തെ പഞ്ചായത്ത് കിണറ്റിൽ വീണനിലയിൽ ബന്ധുക്കൾ കണ്ടെത്തിയത്. ശനിയാഴ്ച പുലർച്ച 4.30ഓടെയായിരുന്നു സംഭവം. കടുത്തുരുത്തിയിൽനിന്ന് എത്തിയ അഗ്നിരക്ഷാസേനയും പൊലീസും നാട്ടുകാരും ചേർന്ന് കരക്ക് എത്തിച്ചെങ്കിലും മരിച്ചു. മക്കൾ: വാസു, പുഷ്പ, ഓമന, രാജു. മരുമക്കൾ: സുശീല, പുഷ്പ, രാജു, അപ്പു. മൃതദേഹം താലൂക്ക് ആശുപത്രിയിൽ പോസ്റ്റ്മോർട്ടത്തിനുശേഷം ബന്ധുക്കൾക്ക് കൈമാറി. തലയോലപ്പറമ്പ് പൊലീസ് നടപടി സ്വീകരിച്ചു.
