പൂച്ചാക്കൽ: ബൈക്കപകടത്തിൽ നിർമാണ തൊഴിലാളിയായ പള്ളിപ്പുറം പഞ്ചായത്ത് അഞ്ചാം വാർഡ് മറ്റത്തിൽ വീട്ടിൽ ബാലൻ (49) മരിച്ചു.
പള്ളിച്ചന്തക്ക് സമീപം ആറാം മൈലിൽ വെള്ളിയാഴ്ച രാത്രി എട്ടിന് ബാലൻ സഞ്ചരിച്ച ബൈക്കിന് പിന്നിൽ മറ്റൊരു ബൈക്ക് ഇടിച്ചു. പരിക്കേറ്റ ബാലനെ സ്വകാര്യ ആശുപത്രിയിലും പിന്നീട് ചേർത്തല താലൂക്ക് ആശുപത്രിയിലും എത്തിച്ചെങ്കിലും മരിച്ചു. ഭാര്യ: സിനി. മക്കൾ: അതുൽ, അമൽ.
