ആലത്തൂർ: പാടൂരിൽ ലോറിയും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. കാവശ്ശേരി മന്ദംപറമ്പിൽ സ്വാമിനാഥന്‍റെ (കാശുക്കുട്ടൻ) മകൻ സതീഷ് (32) ആണ് മരിച്ചത്. പാലക്കാട് അലൂമിനിയം ഫാബ്രിക്കേഷൻ സ്ഥാപനത്തിലെ ജോലിക്കാരനാണ്. വ്യാഴാഴ്ച പാടൂരിലെ സുഹൃത്തിന്‍റെ വീട്ടിലേക്ക് പോകവേ രാവിലെ 7.30ഓടെ പാടൂരിലെ വില്ലേജ് ഓഫിസിനടുത്തായിരുന്നു അപകടം. അപകടത്തിൽപ്പെട്ട സതീഷിനെ ഉടനെ ആലത്തൂർ താലൂക്ക് ആശുപത്രിയിലെത്തിച്ചെങ്കിലും മരിച്ചു. മാതാവ്: സത്യഭാമ. സഹോദരി: സൗമ്യ.
