പിരായിരി: കൂട്ടുകാരുമൊത്ത് കൽപാത്തിപ്പുഴയിൽ കുളിക്കാൻ പോയ പത്താം ക്ലാസ് വിദ്യാർഥി പുഴക്കടവിൽ ഒഴുക്കിൽപെട്ട് മരിച്ചു. പിരായിരി കല്ലേക്കാട് ബ്ലോക്ക് പഞ്ചായത്ത് ഓഫിസിന് സമീപം ആന്ധ്രാംകുന്ന് പൊടിപ്പാറ പൂളക്കുന്നിൽ നാസറിന്‍റെ മകൻ ശിഫാദാണ് (15) വ്യാഴാഴ്ച രാവിലെ പതിനൊന്നരയോടെ ഒഴുക്കിൽപെട്ടത്. കൂട്ടുകാരുടെ നിലവിളി കേട്ട് ഓടിക്കൂടിയ നാട്ടുകാർ തിരച്ചിൽ നടത്തി ശിഫാദിനെ കരക്കെത്തിച്ച് ജില്ല ആശുപത്രിയിലെത്തിച്ചെങ്കിലും മരിച്ചു. പാലക്കാട് മിഷ്യൻ സ്കൂളിലെ പത്താം ക്ലാസ് വിദ്യാർഥിയാണ്. മാതാവ്: റജീന. സഹോദരി: സൽമ. ജില്ല ആശുപത്രിയിൽ പോസ്റ്റ്മോർട്ടം നടത്തി പിതാവ് നാസർ വിദേശത്തുനിന്ന് എത്തിയ ശേഷം വെള്ളിയാഴ്ച കല്ലേക്കാട് അഹ്മദിയ ജമാഅത്ത് ഖബർസ്ഥാനിൽ ഖബറടക്കും.
F:\05 THU\Charamam\pkd shifad 15.jpg
