വടക്കഞ്ചേരി: ബൈക്കും കാറും കൂട്ടിയിടിച്ച് പരിക്കേറ്റ് ചികിത്സയിലിരുന്ന ബൈക്ക് യാത്രികൻ മരിച്ചു. മംഗലംപാലം പൂക്കാട് സലീമാണ് (58) മരിച്ചത്. കഴിഞ്ഞ ചൊവ്വാഴ്ച പുലർച്ച രണ്ടരക്ക് ദേശീയപാത വടക്കഞ്ചേരി ഡയാന ഹോട്ടലിന് സമീപം ബൈക്കും കാറും കൂട്ടിയിടിച്ചായിരുന്നു അപകടം.
തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെ വെള്ളിയാഴ്ച രാവിലെയാണ് മരിച്ചത്. പന്നിയങ്കര ടോൾ പ്ലാസ്സക്ക് സമീപം തട്ടുകട നടത്തുന്ന സലിം കടയിൽനിന്ന് രാത്രി ബൈക്കിൽ വീട്ടിലേക്ക് വരുന്നതിനിടെയാണ് അപകടം. വടക്കഞ്ചേരി പൊലീസ് കേസെടുത്തു. ഭാര്യ: ബീപാത്തുമ്മ. മക്കൾ: നൗഷാദ്, നിഷാദ്, നസീമ, നിഫാന. മരുമക്കൾ: ഫൈസൽ, റംസിയ, ഫർസാന.
