വൈക്കം: കാറിടിച്ച് പരിക്കേറ്റ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലിരുന്ന വൈക്കം ഉദയനാപുരം ഓളി ചെട്ടിയാംപറമ്പിൽ സജീഷ് കുമാർ (52) മരിച്ചു. കൊമ്പ് വാദ്യകലാകാരനാണ്. ബുധനാഴ്ച ഉച്ചക്ക് വൈപ്പിൻപടി ജങ്ഷനിലായിരുന്നു അപകടം. തലക്ക് ഗുരുതര പരിക്കേറ്റ സജീഷിനെ നാട്ടുകാർ വൈക്കം താലൂക്ക് ആശുപത്രിയിൽ എത്തിച്ചു. പ്രഥമശുശ്രൂഷക്കുശേഷം വിദഗ്ധചികിത്സക്ക് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും വെള്ളിയാഴ്ച വൈകീട്ടോടെ മരിച്ചു. വൈക്കം പൊലീസ് കേസെടുത്തു. ഭാര്യ: സിന്ധു. മകൻ: കണ്ണൻ.
