അങ്കമാലി: റോഡ് കുറുകെ കടക്കുന്നതിനിടെ പരിക്കേറ്റ് ചികിത്സയിലിരുന്ന അങ്കമാലി തുറവൂർ മൂഞ്ഞേലി വീട്ടിൽ ജോസ് (68) മരിച്ചു. കഴിഞ്ഞ ബുധനാഴ്ച ഉച്ചക്ക് ദേശീയപാതയിൽ അങ്കമാലി പഴയ മാർക്കറ്റിന്‍റെ പ്രവേശന കവാടത്തിന് സമീപം റോഡ് കുറുകെ കടക്കുന്നതിനിടെയായിരുന്നു അപകടം.
തൃശൂർ ഭാഗത്തേക്ക് പോകുകയായിരുന്ന ലോറിയാണ് ഇടിച്ചത്. ഉടൻ ചാലക്കുടിയിലെ സ്വകാര്യ ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചെങ്കിലും വെള്ളിയാഴ്ച രാത്രി 11ന് മരണം സംഭവിച്ചു. ഭാര്യ: മേരി. മക്കൾ: ജിജി, ജിജോ, ജിനോ.
