മുതലമട: മാങ്ങ പറിക്കുന്നതിനിടെ കർഷകൻ മാവിൽ നിന്നു വീണ് മരിച്ചു. പള്ളം നടുപ്പതി പാറയിൽ സെയ്ദ് മുഹമ്മദിന്‍റെ മകൻ ശൈഖ് മുസ്തഫ (43) ആണ് മരിച്ചത്. ആട്ടയാമ്പതി സ്നേഹ കോളജിനടുത്ത് തിങ്കളാഴ്ച രാവിലെ പത്തോടെ തോട്ടത്തിൽ മാങ്ങ പറിക്കുന്നതിനിടെ കാൽ തെറ്റി വീഴുകയായിരുന്നു. ജില്ല ആശുപത്രിയിലെത്തിച്ചെങ്കിലും മരിച്ചു. മാവിൻ തോട്ടം പാട്ടത്തിനെടുത്തതായിരുന്നു. ചുമട്ടുതൊഴിലാളിയുമാണ്. പോസ്റ്റ് മോർട്ടം കഴിഞ്ഞ് മൃതദേഹം ബന്ധുക്കൾക്ക് വിട്ടുനൽകി. ഭാര്യ: നിലാവർന്നീസ. മക്കൾ: ഷെറീന, മദീന. മരുമക്കൾ: മൂസ, ശിഹാബ്. സഹോദരങ്ങൾ: നൂറുദീർ, ശൈഖ് ബീവി, റസിയ, ഖദിയ, ആയിശ മറിയ.
