കൊച്ചി: ദീർഘകാലം കൊച്ചിയിൽ ‘ദ ഹിന്ദു’ ബ്യൂറോ ചീഫ് ആയിരുന്ന എസ്. രങ്കമണി (83) നിര്യാതനായി. തമിഴ്നാട്ടിലെ തക്കലയിൽ ജനിച്ച രങ്കണി 1965ൽ തിരുവനന്തപുരത്ത് ഇന്ത്യൻ എക്സ്പ്രസിലാണ് പത്രപ്രവർത്തനമാരംഭിച്ചത്. 1971ൽ കോഴിക്കോട്ട് ‘ദ ഹിന്ദു’വിന്റെ ലേഖകനായി. പിന്നീട് കൊച്ചിയിലേക്ക് മാറിയ രങ്കമണി 1998ൽ ഡെപ്യൂട്ടി എഡിറ്ററായിരിക്കെ ഹിന്ദുവിൽനിന്ന് വിരമിച്ചു. ഭാര്യ: രാജലക്ഷ്മി. മക്കൾ: സവിത (പുണെ), ശ്രീറാം (യു.എസ്). സംസ്കാരം പിന്നീട്.
