ഏറ്റുമാനൂർ: പട്ടിത്താനത്ത് ടാങ്കർ ലോറി ബൈക്കിലിടിച്ച് യുവാവ് മരിച്ചു. കുറുമുള്ളൂർ ചെട്ടിക്കൽ ആനന്ദന്റെ മകൻ ഉണ്ണിക്കുട്ടനാണ് (28) മരിച്ചത്. ശനിയാഴ്ച രാത്രി എട്ടരയോടെ എം.സി റോഡിലായിരുന്നു അപകടം. കോട്ടയം ഭാഗത്തേക്ക് വരുകയായിരുന്ന ബൈക്കിൽ ഇതേ ദിശയിൽ തന്നെ എത്തിയ ടാങ്കർ ലോറി ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ യുവാവിനെയും ബൈക്കിനെയും മീറ്ററുകളോളം ടാങ്കർ വലിച്ചുകൊണ്ടുപോയി.
