തൃശൂർ: അയ്യന്തോളിൽ കലക്ടറേറ്റിന് സമീപം ബസും ബൈക്കും കൂട്ടിയിടിച്ച് യുവാവ് മരിച്ചു. അയ്യന്തോൾ മണ്ണംപേട്ട ശിവക്ഷേത്രത്തിന് സമീപം കളരിക്കൽ വീട്ടിൽ രാധാകൃഷ്ണന്‍റെയും രേഖയുടെയും മകൻ വൈഷ്ണവ് രാധാകൃഷ്ണനാണ് (21) മരിച്ചത്. വൈഷ്ണവിനൊപ്പം ബൈക്കിൽ കൂടെയുണ്ടായിരുന്ന പ്രജീഷിനെ (20) പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഞായറാഴ്ച വൈകീട്ടാണ് അപകടം. അപകടത്തിൽ ബസിനടിയിൽപെട്ട വൈഷ്ണവ് സ്ഥലത്തുതന്നെ മരിച്ചു. തൃശൂർ ഗ്ലോബൽ ഇൻസ്റ്റിറ്റ്യൂട്ടിൽ വിഷ്വൽ കമ്യൂണിക്കേഷൻ വിദ്യാർഥിയാണ് വൈഷ്ണവ്. വർഷയാണ് സഹോദരി. പോസ്റ്റ്മോർട്ടത്തിനുശേഷം തിങ്കളാഴ്ച സംസ്കരിക്കും.
