അരൂർ: കൈതപ്പുഴ കായലിൽ വഞ്ചിയിൽ മത്സ്യബന്ധനം നടത്തിക്കൊണ്ടിരിക്കെ മത്സ്യത്തൊഴിലാളി കായലിൽവീണ് മരിച്ചു. അരൂർ പടിഞ്ഞാറെ കാവുങ്കൽ പുരുഷോത്തമനാണ് (63) മരിച്ചത്.കായലിന്റെ മധ്യഭാഗത്ത് നീട്ടുവല ഇടുന്നതിനിടയിൽ കായലിൽ വീഴുകയായിരുന്നു. വഞ്ചി മാത്രം നടുക്കായലിൽ കണ്ട് സംശയം തോന്നിയ മറ്റു വലക്കാരും ബന്ധുക്കളും അന്വേഷിച്ചപ്പോൾ മൃതദേഹം വലയിൽ കുടുങ്ങിയ നിലയിലായിരുന്നു. സംസ്കാരം നടത്തി. ഭാര്യ: സതി. മക്കൾ: ശരത്, സരുഷ.
