തളിക്കുളം: ഗവ. ഹൈസ്കൂളിന് സമീപം കാറിടിച്ച് സൈക്കിൾ യാത്രികനായ വയോധികൻ മരിച്ചു. തളിക്കുളം ഇത്തിക്കുട്ട് ചക്കാണ്ടൻ വീട്ടിൽ അപ്പുമോൻ (70) ആണ് മരിച്ചത്. വ്യാഴാഴ്ച രാവിലെ 7.15ഓടെ ആയിരുന്നു സംഭവം. നെടുമ്പാശ്ശേരിയിൽ നിന്ന് കണ്ണൂരിലേക്ക് പോകുകയായിരുന്ന കാറാണ് സൈക്കിളിൽ ഇടിച്ചത്. ഗുരുതര പരിക്കേറ്റ അപ്പുമോനെ തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. മാങ്ങ വിൽപനക്കാരനായ ഇദ്ദേഹം അവിവാഹിതനാന്ന്. വാടാനപ്പള്ളി പൊലീസ് മേൽനടപടി സ്വീകരിച്ചു.
