മണ്ണാർക്കാട്: സ്കൂട്ടറുകൾ കൂട്ടിയിടിച്ച് നിയന്ത്രണം വിട്ട്, നിർത്തിയിട്ടിരുന്ന ലോറിയിൽ ഇടിച്ച് കുടുംബനാഥൻ മരിച്ചു. സ്കൂട്ടർ യാത്രക്കാരനായ കുമരംപുത്തൂർ പയ്യനടം ബംഗ്ലാവ് പടി പത്തത്ത് അബ്ദുന്നാസർ (60) ആണ് മരിച്ചത്. കൂടെ യാത്ര ചെയ്ത ഭാര്യ ജമീലക്ക് പരിക്കേറ്റു. ചൊവ്വാഴ്ച കോട്ടോപ്പാടം വേങ്ങയിലായിരുന്നു അപകടം. ചികിത്സയിലിരിക്കെ ബുധനാഴ്ചയാണ് മരിച്ചത്. മക്കൾ: ജുനൈസ്, നവാസ്, നിയാസ്, നിഷാന.
