പത്തനംതിട്ട: ബഥനി മശിഹാനുകരണ സന്യാസിനി സമൂഹം പത്തനംതിട്ട പ്രോവിൻസ് അംഗം സിസ്റ്റർ ഗ്രിഗോറിയ എസ്.ഐ.സി (76) നിര്യാതയായി. ഉളനാട് പടിഞ്ഞാറ്റേമേലേതിൽ പരേതരായ വർഗീസ്-മറിയാമ്മ ദമ്പതികളുടെ മകളാണ്. സെന്‍റ് മേരീസ് കായംകുളം, സെന്‍റ് ഗൊരേത്തി നാലാഞ്ചിറ, ബി.ബി.എച്ച്.എസ് നങ്ങ്യാർകുളങ്ങര, സെന്‍റ് ആൻസ് ചെങ്ങന്നൂർ സ്കൂളുകളിൽ അധ്യാപികയായും ബഥനി ബാലികാമഠം എൽ.പി.എസ് ഹെഡ്മിസ്ട്രസായും സേവനം അനുഷ്ഠിച്ചിട്ടുണ്ട്. സഹോദരങ്ങൾ: സിസ്റ്റർ ആഞ്ചലീന എസ്.ഐ.സി (ബഥനി കോൺവെന്‍റ്, മാമ്പാറ), ജോസ് പി. വർഗീസ്, ഫാ. തോമസ് റെജി പടിഞ്ഞാറ്റേമേലേതിൽ ഒ.ഐ.സി (ബഥനി നവജീവൻ പ്രൊവിൻസ്).
മൃതദേഹം ശനിയാഴ്ച വൈകീട്ട് പത്തനംതിട്ട ബഥനി പ്രൊവിൻഷ്യൽ ഹൗസിൽ എത്തിക്കും. സംസ്കാരം ഞായറാഴ്ച 11ന് പത്തനംതിട്ട പ്രൊവിൻഷ്യൽ ഹൗസിലെ ശുശ്രൂഷകൾക്കുശേഷം പത്തനംതിട്ട സെന്‍റ് പീറ്റേഴ്സ് കത്തീഡ്രലിൽ.
