ചാഴൂർ: വീടിന്‍റെ ടെറസ്സിൽ നിന്ന് വീണ് പരിക്കേറ്റ ഗൃഹനാഥൻ മരിച്ചു. ദുബായ് റോഡിനു സമീപം തൊഴുത്തുംപറമ്പിൽ രാമദാസ് (71) ആണ് മരിച്ചത്. കഴിഞ്ഞ ചൊവ്വാഴ്ചയായിരുന്നു അപകടം. ടെറസ്സിന് മുകളിൽ സൂക്ഷിച്ചിരുന്ന വൈക്കോൽ മഴയത്ത് നനയാതിരിക്കാൻ ഷീറ്റ് ഇടാനായി കയറിയപ്പോൾ കാൽതെന്നി വീഴുകയായിരുന്നു. കൂർക്കഞ്ചേരിയിലെ സ്വകാര്യ ആശുപത്രിയിൽ ചികിത്സയിലിരിക്കെ വെള്ളിയാഴ്ചയാണ് മരിച്ചത്. ഭാര്യ: അംബിക. മക്കൾ: ബിനിൽ, ബിൻറ്റി. മരുമക്കൾ: ചിഞ്ചു, നിശാന്ത്. സംസ്കാരം ശനിയാഴ്ച മൂന്നിന് വീട്ടുവളപ്പിൽ.
