മണ്ണഞ്ചേരി: ദേശീയപാതയില്‍ കഞ്ഞിക്കുഴി സര്‍വിസ് സഹകരണ ബാങ്കിന് സമീപമുണ്ടായ വാഹനാപകടത്തില്‍ ബൈക്ക് യാത്രികനായ യുവാവ് മരിച്ചു. മണ്ണഞ്ചേരി ഇരുപതാം വാര്‍ഡ് കാവുങ്കല്‍ കോയിക്കല്‍വെളി ഷാജിഗോപന്‍റെ മകൻ ശരത് ലാലാണ് ( അപ്പു- 23) മരിച്ചത്.
ഞായറാഴ്ച ഉച്ചക്ക് 12 മണിയോടെയായിരുന്നു അപകടം. കനാൽ തീരത്തെ പുതിയ റോഡിൽ നിന്നും ദേശീയപാതയിലേക്ക് കടക്കുമ്പോൾ കെ.എസ്.ആര്‍.ടി.സി സൂപ്പര്‍ ഫാസ്റ്റ് ഇടിച്ച് തെറിച്ചുവീണ ശരത് ലാലിനെ മറ്റൊരു കാറിടിച്ച് ഗുരുതരമായി പരിക്കേൽക്കുകയായിരുന്നു.
ശരത് ലാല്‍ വെല്‍ഡിങ്ങ് തൊഴിലാളിയാണ്. മാതാവ്: കനക. സഹോദരന്‍: ശ്യാംലാല്‍.
