ഏനാദിമംഗലം: ഏനാദിമംഗലം പഞ്ചായത്ത് മുൻ പ്രസിഡന്റ് പെരിങ്ങിനിത്തറയിൽ എ.കെ. നാരായണൻ (75) നിര്യാതനായി. തട്ടാക്കുടി പാടം മിച്ചഭൂമി സമരം, കന്നിട കൊയ്ത്തുസമരം ഉൾപ്പെടെ നിരവധി സമരങ്ങളിൽ പങ്കെടുത്തു. സി.പി.എം ലോക്കൽ കമ്മിറ്റി അംഗം, കെ.എസ്.കെ.ടി.യു അടൂർ താലൂക്ക് കമ്മിറ്റി അംഗം, കൊടുമൺ ഏരിയ വൈസ് പ്രസിഡന്റ് എന്നീ നിലകളിൽ പ്രവർത്തിച്ചു. ഭാര്യ: ചെല്ലമ്മ. മക്കൾ: ബിജു, ബിജി. മരുമക്കൾ: സന്തോഷ്, വനജകുമാരി. മൃതദേഹം തിങ്കൾ രാവിലെ 10.30ന് ഏനാദിമംഗലം പഞ്ചായത്ത് ഓഫിസിൽ പൊതുദർശനത്തിന് വെക്കും. സംസ്കാരം ഒന്നിന് വീട്ടുവളപ്പിൽ.
