പറവൂർ: വെടിമറയിൽ വാഹനാപകടത്തിൽ തോന്ന്യകാവ് സുബ്രഹ്മണ്യ ക്ഷേത്രം മേൽശാന്തി കരുമാല്ലൂർ പുറപ്പിള്ളിയിൽ ദേവികൃപയിൽ ബി.ഗിരീഷ് കുമാർ (50) മരിച്ചു. തിങ്കളാഴ്ച പുലർച്ച 5.20നായിരുന്നു അപകടം. പി.ഡബ്ല്യു.ഡി അധികൃതർ റോഡിൽ കലുങ്ക് നിർമാണത്തിന് എടുത്ത കുഴിയുടെ സമീപത്ത് ടാർ വീപ്പകൾ വെച്ചിരുന്നു. ഈ വീപ്പയിൽ ഗിരീഷ് കുമാറിന്‍റെ ഇരുചക്രവാഹനം തട്ടി മറിഞ്ഞപ്പോൾ എതിർദിശയിൽനിന്ന് എത്തിയ പിക്അപ് വാൻ ഗിരീഷ്കുമാറിനെ ഇടിക്കുകയായിരുന്നെന്നാണ് പൊലീസിന്‍റെ പ്രാഥമിക നിഗമനം. തെറിച്ചുവീണ ഗിരീഷ് കുമാറിനെ താലൂക്ക് ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: സിന്ധു. മകൻ: ഭരത്കൃഷ്ണ.
