പട്ടാമ്പി: മേലെ പട്ടാമ്പി ചിത്ര ഓഡിറ്റോറിയത്തിനു സമീപം ലോറി ബൈക്കിലിടിച്ച് വീട്ടമ്മ മരിച്ചു. മേലെ പട്ടാമ്പി കോളജ് സ്ട്രീറ്റ് ഇരട്ടയിൽ അബ്ദുൽ റസാഖിന്‍റെ ഭാര്യ സൈഫുന്നിസയാണ് (45) ഞായറാഴ്ച രാത്രി 12നുണ്ടായ അപകടത്തിൽ മരിച്ചത്. കുടുംബത്തോടൊപ്പം പട്ടാമ്പി നേർച്ച കണ്ട് വീട്ടിൽ പോയ ഇവർ സാധനങ്ങൾ വാങ്ങിക്കാൻ തിരിച്ചുവന്നപ്പോഴാണ് അപകടത്തിൽ പെട്ടത്.സാധനങ്ങൾ വാങ്ങി മടങ്ങുമ്പോൾ പിറകിൽ നിന്നെത്തിയ ലോറിയിടിക്കുകയായിരുന്നു. മൃതദേഹം താലൂക്ക് ആശുപത്രിയിൽ പോസ്റ്റ്മോർട്ടത്തിനു ശേഷം മേലെ പട്ടാമ്പി ജുമാമസ്ജിദ് ഖബർസ്ഥാനിൽ ഖബറടക്കി. മക്കൾ: റംസി, റാഷിദ, ഫിദ, റിസ്വാന. മരുമക്കൾ: ആഷിക്, ഇർഷാദ്.
