പാലാ: ഒരാഴ്ച മുമ്പ് പാലാ-പൊന്‍കുന്നം റൂട്ടില്‍ പൂവരണിക്കടുത്ത് ചരളയിലുണ്ടായ അപകടത്തില്‍ പരിക്കേറ്റ് ചികിത്സയിലിരുന്ന ഓട്ടോറിക്ഷ ഡ്രൈവര്‍ മരിച്ചു. പൂവരണി പുതുവേലില്‍ പി.കെ. ബിജുവാണ് (47) മരിച്ചത്. ഭാര്യ: സുജ. മക്കള്‍: സുബി, ആരതി, അരുണ്‍. ചരള ജങ്ഷനില്‍ ബിജു ഓടിച്ച ഓട്ടോറിക്ഷയില്‍ ശബരിമല തീര്‍ഥാടകര്‍ സഞ്ചരിച്ച കാര്‍ ഇടിച്ചായിരുന്നു അപകടം. രാത്രി ഒമ്പതോടെയായിരുന്നു സംഭവം. അമ്പലം ജങ്ഷനിലെ ഓട്ടോ സ്റ്റാന്‍ഡിലെ ഡ്രൈവറായ ബിജു വീട്ടിലേക്ക് മടങ്ങുംവഴിയാണ് അപകടത്തിൽപെട്ടത്. തലക്ക് പരിക്കേറ്റ് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു.
