കോട്ടയം: റോഡ് മുറിച്ചുകടന്നയാളെ ഇടിക്കാതിരിക്കാൻ ബൈക്ക് വെട്ടിക്കുന്നതിനിടെ താഴെ വീണ് യുവാവ് മരിച്ചു. മീനടം കണിയാംപറമ്പിൽ അഖിൽ കുര്യനാണ് (30) മരിച്ചത്. ടിപ്പർ ലോറി ഡ്രൈവറാണ്. ബുധനാഴ്ച രാത്രി 8.45ഓടെ പുതുപ്പള്ളി ഞാലിയക്കുഴിയിലെ കൈതേപ്പാലത്തായിരുന്നു അപകടം. നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: മറിയാമ്മ. സഹോദരി: അനു. മൃതദേഹം കോട്ടയം ജനറൽ ആശുപത്രിയിൽ.
