പൊന്നാനി: വാഹനാപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. പൊന്നാനി കടവനാട് സ്വദേശി ആവേത്തുംവീട്ടിൽ ശ്രീലാലാണ് (22) മരിച്ചത്. 10 ദിവസം മുമ്പ് കടവനാട് ആറ്റുപുറം ക്ഷേത്രോത്സവം കഴിഞ്ഞ് മടങ്ങുന്നതിനിടെ ശ്രീലാലും സുഹൃത്ത് പ്രസാദും സഞ്ചരിച്ച ബൈക്കിൽ കൊല്ലൻപടിക്ക് സമീപം വളവ് റോഡിൽ ഓട്ടോറിക്ഷ വന്നിടിക്കുകയായിരുന്നു.
അപകടത്തിൽ ബൈക്ക് യാത്രികരായ രണ്ടുപേർക്കും പരിക്കേറ്റിരുന്നു. തലക്ക് ഗുരുതര പരിക്കേറ്റ ശ്രീലാലിനെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ച് ശസ്ത്രക്രിയക്ക് വിധേയമാക്കിയെങ്കിലും ഗുരുതരാവസ്ഥയിൽ തുടരുകയായിരുന്നു.
മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് കൈമാറി. ഈശ്വരമംഗലം പൊതു ശ്മശാനത്തിൽ സംസ്കരിച്ചു. പ്രവാസിയായ ബാലനാണ് പിതാവ്. മാതാവ്: രജിനി. സഹോദരി: ശ്രീകുട്ടി.
