നെടുംകുന്നം: വയോധികനെ കാറിനുള്ളില്‍ മരിച്ചനിലയില്‍ കണ്ടെത്തി. പാത്താമുട്ടം പൊടിറ്റത്തില്‍ പി.എം. മാത്യുവാണ് (63) മരിച്ചത്.
ഞായറാഴ്ച 11.30 മുതല്‍ നെടുംകുന്നം-മൈലാടി റോഡില്‍ കലവറപ്പടിക്ക് സമീപം കാര്‍ നിര്‍ത്തിയിട്ട നിലയില്‍ നാട്ടുകാർ കണ്ടിരുന്നു. സംശയം തോന്നി രണ്ടരയോടെ കാറിനുള്ളില്‍ നാട്ടുകാർ നോക്കിയപ്പോൾ ആരോ കമഴ്ന്നുകിടക്കുന്നത് കണ്ടെത്തി. പരിശോധനയിൽ മരിച്ചനിലയിലായിരുന്നു. വിവരമറിഞ്ഞ് കറുകച്ചാല്‍ പൊലീസെത്തി മൃതദേഹം കോട്ടയം ജില്ല ആശുപത്രിയിലേക്ക് മാറ്റി. ഹൃദ്രോഗത്തിന് മരുന്ന് കഴിക്കുന്നയാളാണെന്ന് വീട്ടുകാര്‍ അറിയിച്ചതായി കറുകച്ചാല്‍ പൊലീസ് പറഞ്ഞു.
