കോലഞ്ചേരി: വീട്ടിലെ മോട്ടോർ നന്നാക്കുന്നതിനിടെ വൈദ്യുതാഘാതമേറ്റ് കെ.എസ്.ഇ.ബി സബ് എൻജിനീയർ മരിച്ചു. കടയിരുപ്പ് എഴിപ്രം മുടക്കുംതല എൽദോ എം. ജോസഫാണ് (44) മരിച്ചത്. തൃപ്പൂണിത്തുറ ഇലക്ട്രിക്കൽ ഡിവിഷനിലെ സബ് എൻജിനീയറായ ഇദ്ദേഹം സിസ്റ്റം സൂപ്പർവൈസറായി സേവനമനുഷ്ഠിച്ചുവരുകയായിരുന്നു. തിങ്കളാഴ്ച വൈകീട്ട് 6.45ന് വീട്ടിലെ മോട്ടോർ നന്നാക്കുമ്പോഴായിരുന്നു അപകടം. മൃതദേഹം കോലഞ്ചേരി മെഡിക്കൽ കോളജ് ആശുപത്രി മോർച്ചറിയിൽ. ഭാര്യ: വടയമ്പാടി ചെറുവിള്ളിൽ പൂർണിമ. മക്കൾ: സിമ്രാൻ, സാമുവൽ.
