പെരുമ്പാവൂർ: ഓട്ടോറിക്ഷ കനാലിലേക്ക് വീണ് ഡ്രൈവർ കുറുപ്പംപടി കുരുപ്പപാറ മൂത്തേടത്ത് വീട്ടിൽ മത്തായി (70) മരിച്ചു. നെല്ലിമോളം ബാറിന് മുന്നിലാണ് സംഭവം. ബുധനാഴ്ച രാത്രി മുതൽ മത്തായിയെ കാണാതായിരുന്നു. വ്യാഴാഴ്ച പ്രഭാത സവാരിക്ക് ഇറങ്ങിയവരാണ് ഓട്ടോറിക്ഷ കനാലിൽ കണ്ടത്. മത്തായിയുടെ മൃതദേഹം 50 മീറ്റർ മാറി കണ്ടെത്തി. അഗ്നിരക്ഷാസേനയും നാട്ടുകാരും ചേർന്നാണ് മൃതദേഹം പുറത്തെടുത്തത്.
