കൊല്ലങ്കോട്: വടവന്നൂർ മൃഗാശുപത്രിക്ക് സമീപം നിർത്തിയിട്ട ടോറസ് ലോറിക്ക് പിന്നിൽ ബൈക്കിടിച്ച് യുവാവ് മരിച്ചു.വടവന്നൂർ മേനങ്ങത്ത് കൃഷ്ണൻകുട്ടിയുടെ മകൻ അഖിൽ കുമാറാണ് (25) മരിച്ചത്. വ്യാഴാഴ്ച രാത്രി 10.30ഓടെയാണ് അപകടം. പാലക്കാട് ചന്ദ്രനഗറിൽ പി.എസ്.എൽ എന്ന സ്വകാര്യ കമ്പനിയിലെ മെക്കാനിക്കാണ് അഖിൽകുമാർ.ജോലി കഴിഞ്ഞ് വീട്ടിലേക്ക് വരുന്നതിനിടെ വടവന്നൂരിൽ എതിരെ വന്ന വാഹനത്തിന്‍റെ ലൈറ്റിന്‍റെ പ്രകാശത്താൽ നിർത്തിയിട്ട ലോറി കാണാതായതാണ് അപകട കാരണമെന്ന് പറയുന്നു. അപകടത്തിൽ ബൈക്ക് പൂർണമായും തകർന്നു. കൊല്ലങ്കോട് പൊലീസ് കേസെടുത്തു.മാതാവ്: സുഭദ്ര. സഹോദരങ്ങൾ: സുനിൽ കുമാർ, അനിൽ കുമാർ. ജില്ല ആശുപത്രിയിൽ പോസ്റ്റ്മോർട്ടത്തിന് ശേഷം പട്ടഞ്ചേരി വാതക ശ്മശാനത്തിൽ സംസ്കരിച്ചു.
