പാലക്കാട്: ലോറിയിൽനിന്ന് ഇറക്കുന്നതിനിടെ ചില്ലുപാളി ദേഹത്ത് വീണ് ചുമട്ടുതൊഴിലാളി മരിച്ചു. പാലക്കാട് നരിക്കുത്തി സ്വദേശി മൊയ്തീനാണ് (35) മരിച്ചത്. ശനിയാഴ്ച ഉച്ചയോടെയാണ് സംഭവം. നഗരത്തിലെ ഗ്ലാസ് വിൽപനശാലയിലേക്ക് കൊണ്ടുവന്ന ചില്ലുപാളി വാഹനത്തിൽനിന്ന് ഇറക്കാൻ ശ്രമിക്കുന്നതിനിടെ ദേഹത്ത് വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
