മാരാരിക്കുളം: സ്കൂട്ടറുകൾ കൂട്ടിയിടിച്ച് കർഷക അവാർഡ് ജേതാവായ എസ്.എൽ പുരം രംഗകല ഓഡിറ്റോറിയത്തിനുസമീപം തൈവപ്പിൽ ആനന്ദൻ (72) മരിച്ചു. മികച്ച പച്ചക്കറി കർഷകനുള്ള നിരവധി പുരസ്കാരങ്ങൾ നേടിയിട്ടുണ്ട്. കഞ്ഞിക്കുഴി നെടുമ്പ്രം പാൽ സൊസൈറ്റിക്കുസമീപം തിങ്കളാഴ്ച ഉച്ചക്ക് സ്കൂട്ടറുകൾ കൂട്ടിയിടിക്കുകയായിരുന്നു.
മാരാരിക്കുളം ജങ്ഷനിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: പൊന്നമ്മ. മക്കൾ: സ്മിത്ത് ആനന്ദ്, സജിത് ആനന്ദ്. സംസ്കാരം ചൊവ്വാഴ്ച ഉച്ചക്ക് ഒന്നിന് വീട്ടുവളപ്പിൽ.
