ആനക്കര: കൂട്ടുപാതയില്‍ ബൈക്കും മിനിലോറിയും കൂട്ടിയിടിച്ച് യുവാവ് മരിച്ചു. തിരുമിറ്റക്കോട് രായമംഗലം മാച്ചാത്ത് മീത്തില്‍ പരേതനായ നാരായണന്റെ മകന്‍ സുകുമാരന്‍ (30) ആണ് മരിച്ചത്. വ്യാഴാഴ്ച കാലത്ത് 7.30 ന് വീട്ടില്‍ നിന്ന് ബൈക്കില്‍ ടൈല്‍സ് പണിക്ക് പോകുമ്പോള്‍ കൂട്ടുപാത സെന്ററില്‍ പിക്കപ്പ് വാനുമായി കൂട്ടിയിടിക്കുകയായിരുന്നു. ചാലിശ്ശേരി പൊലീസ് തുടര്‍ നടപടികള്‍ സ്വീകരിച്ചു. മാതാവ്: ജയലക്ഷ്മി. സഹോദരങ്ങള്‍: സുഭാഷ്, സുനില്‍കുമാര്‍, സുരേഷ് ബാബു.
