വാടാനപ്പള്ളി: തൃത്തല്ലൂർ പടിഞ്ഞാറ് ഓസാമുക്കിൽ ബൈക്ക് റോഡരികിലെ മതിലിൽ ഇടിഞ്ഞ് യുവാവ് മരിച്ചു. ഗണേശമംഗലം പടിഞ്ഞാറ് എം.എൽ.എ വളവിൽ റേഷൻ കടക്ക് സമീപം താമസിക്കുന്ന ചേർക്കര തണ്ടയാൻ അനിൽകുമാറിന്റെ മകൻ വിഷ്ണു (30) ആണ് മരിച്ചത്. വിഷുവിന്റെ തലേ ദിവസം രാത്രി 12.10 ഓടെ കൂട്ടുകാരന്റെ വീട്ടിൽ പോയി മടങ്ങുമ്പോഴായിരുന്നു അപകടം. ഉടനെ ഏങ്ങണ്ടിയൂരിലെ സ്വകാര്യ ആശുപത്രിയിലും പിന്നീട് തൃശൂരിലെ സ്വകാര്യ ആശുപത്രിയിലും എത്തിച്ചെങ്കിലും മരിച്ചിരുന്നു. ഖത്തറിൽ എ.സി. മെക്കാനിക്കായി ജോലി ചെയ്യുന്ന വിഷ്ണു കഴിഞ്ഞ മാസമാണ് അവധിക്ക് നാട്ടിൽ എത്തിയത്. വാടാനപ്പള്ളി പൊലീസ് മേൽനടപടി സ്വീകരിച്ചു. മാതാവ്: ജയ. സഹോദരൻ : വൈഷ്ണവ്.