ചാലക്കുടി: ചാലക്കുടിപ്പുഴയിൽ വീണ് ചികിത്സയിലായിരുന്ന യുവാവ് മരിച്ചു. മേലൂർ മാടാത്ര ഉണ്ണികൃഷ്ണന്റെ മകൻ നവനീത് (18) ആണ് മരിച്ചത്. കഴിഞ്ഞ ഞായറാഴ്ചയായിരുന്നു അപകടം. മേലൂർ മൂഴിക്കക്കടവ് ഭാഗത്ത് പുഴയിൽ കുളിക്കാനിറങ്ങിയ നവനീത് ഒഴുക്കിൽപ്പെട്ട് മുങ്ങിപ്പോകുകയായിരുന്നു. തുടർന്ന് ഒപ്പമുണ്ടായ സുഹൃത്ത് രക്ഷപ്പെടുത്തി. സ്വകാര്യ ആശുപത്രിയിൽ ചികിത്സയിലായിരുന്നു. വെള്ളിയാഴ്ചയാണ് മരിച്ചത്. മാതാവ്: മിനി. സഹോദരി: നവ്യ.