പറവൂര്‍: മധ്യകേരളത്തിലെ പ്രമുഖ മുട്ട മൊത്തവ്യാപാരി അമ്മന്‍കോവില്‍ റോഡ് കൊച്ചിപറമ്പത്ത് കെ.കെ. അശോകന്‍ (69) നിര്യാതനായി. 1983ല്‍ ഗുരു ഏജന്‍സീസ് എന്ന സ്ഥാപനം തുടങ്ങി തമിഴ്‌നാട്ടില്‍നിന്ന് നിത്യേന ലക്ഷക്കണക്കിന് മുട്ട കേരളത്തില്‍ എത്തിക്കുന്നു. നേരത്തെ ഖത്തര്‍ ഹോക്കര്‍സി ഡെല്‍ പവര്‍ കമ്പനിയില്‍ ഉദ്യോഗസ്ഥനായിരുന്നു. എസ്.എന്‍ ട്രസ്റ്റ് ഡയറക്ടര്‍ ബോര്‍ഡ് അംഗം, എസ്.എന്‍.ഡി.പി പറവൂര്‍ വെസ്റ്റ് ശാഖ പ്രസിഡന്റ്, പറവൂര്‍ ലയണ്‍സ് ക്ലബ് പ്രസിഡന്റ്, മെട്രോ പൊളിറ്റിന്‍ ക്ലബ് സ്ഥാപക പ്രസിഡന്റ്, മര്ച്ചന്റ്സ് ക്ലബ് പ്രസിഡന്റ്, ടൗണ്‍ മര്ച്ചന്റ്സ് അസോസിയേഷന്‍ ട്രഷറര്‍, ആദര്‍ശ വിദ്യാഭവന്‍ സ്‌കൂള്‍ വൈസ് പ്രസിഡന്റ്, എസ്.എന്‍ ജിസ്റ്റ് ഗുരുദേവ ട്രസ്റ്റി, കൊടുങ്ങല്ലൂര്‍ ഗുരുശ്രീ സ്‌കൂള്‍ ട്രസ്റ്റി സ്ഥാനങ്ങൾ വഹിച്ചിരുന്നു. വിവിധ മേഖലകളിലെ സമഗ്ര സംഭാവനക്ക് പത്തോളം പുരസ്‌കാരങ്ങളും ലഭിച്ചിട്ടുണ്ട്.
തൃശൂര്‍ പെരിഞ്ഞനം കൊച്ചിപറമ്പത്ത് കുഞ്ഞക്കന്റെയും അംബുജാക്ഷിയുടെയും മകനാണ്. ഭാര്യ: ബേബി അശോകന്‍. മക്കള്‍: ശരത്‌ലാല്‍ (ഗുരു ഡിസ്ട്രിബ്യൂട്ടേഴ്‌സ് പറവൂര്‍), ഗ്രീഷ്മ നിയാസ് (നജ്മത്ത് അല്‍വെഹദ ഫിറ്റ്‌നസ് സെന്റര്‍ പാര്‍ട്ണര്‍, ഷാര്‍ജ). മരുമക്കള്‍: നിയാസ് മോഹന്‍ (ജനറല്‍ മാനേജര്‍ അഡ്വാന്‍സ്ഡ് ബയോടെക്‌നോളജി സെന്റര്‍, ദുബൈ), സ്വാതി ശരത് (ടി.സി.എസ് ഇന്‍ഫോപാര്‍ക്ക് കൊച്ചി). സഞ്ചയനം വ്യാഴാഴ്ച രാവിലെ 8.30.
