ചെറുതുരുത്തി: ബൈക്കും ഓട്ടോയും കൂട്ടിയിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. ദേശമംഗലം ഗവ. ആശുപത്രിക്ക് പിറകുവശം മാടക്കാട്ടുവളപ്പിൽ പരേതനായ നാരായണന്‍റെ മകൻ ശ്രീനിഷാണ് (37) മരിച്ചത്. കഴിഞ്ഞ വ്യാഴാഴ്ച ദേശമംഗലത്തുനിന്ന് ഷൊർണൂർ ഭാഗത്തേക്ക് ബൈക്കിൽ പോകുമ്പോൾ നമ്പ്യാർ പള്ളത്തുവെച്ച് രാത്രി 10.30ന് ബൈക്ക് നിയന്ത്രണംവിട്ട് എതിരെ വന്ന ഓട്ടോയുമായി കൂട്ടിയിടിക്കുകയായിരുന്നു. പരിക്കേറ്റ ശ്രീനിഷ് തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് മരിച്ചത്. മാതാവ്: കാർത്യായനി (അമ്മിണി). ഭാര്യ: ശ്രീജ.
