കാക്കനാട്: കങ്ങരപ്പടി മെഡിക്കൽ കോളജ് റോഡിൽ കുഴഞ്ഞുവീണ അജ്ഞാത യുവാവ് മരിച്ചു. വ്യാഴാഴ്ച രാവിലെ 8.45 ഓടെയാണ് സംഭവം. റോഡരികിൽ വീണ് അവശനിലയിൽ കാണപ്പെട്ട യുവാവിനെ കളമശ്ശേരി നഗരസഭ കൗൺസിലർ കെ. ശിവന്‍റെ നേതൃത്വത്തിൽ മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. 30 വയസ്സ് തോന്നിക്കുന്ന യുവാവിന് ഹിന്ദി മാത്രമേ അറിയുമായിരുന്നുള്ളൂ എന്ന് ദൃക്സാക്ഷികൾ പറഞ്ഞു. യുവാവിന് അഞ്ചടി അഞ്ചിഞ്ച് ഉയരവും ഇരുണ്ട നിറവും ആണ്. ഇരുകൈയിലും പച്ച കുത്തിയിട്ടുണ്ട്. യുവാവിനെക്കുറിച്ച് അറിയുന്നവർ തൃക്കാക്കര പൊലീസ് സ്റ്റേഷനിലോ സർക്കിൾ ഇൻസ്പെക്ടറെയോ വിവരം അറിയിക്കണം. ഫോൺ: 0484 2428665, സർക്കിൾ ഇൻസ്പെക്ടർ: 9497947179.
