പത്തിരിപ്പാല: സംസ്ഥാന പാതയിൽ പതിനാലാം മൈലിനു സമീപം സ്വകാര്യ ബസ് സ്കൂട്ടറിലിടിച്ച് തെറിച്ചുവീണ യുവതി മരിച്ചു. ലക്കിടി അകലൂർ നമ്മിണികുന്ന് പൂങ്കാനത്ത് വീട്ടിൽ പത്മനാഭന്റെ ഭാര്യ സരളയാണ് (41) മരിച്ചത്. ശനിയാഴ്ച വൈകീട്ട് 6.30ഓടെയാണ് അപകടം. സാരമായി പരിക്കേറ്റ യുവതിയെ ഉടൻ പത്തിരിപ്പാലയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഒറ്റപ്പാലം പൊലീസ് ഇൻക്വസ്റ്റ് നടത്തി. പത്തിരിപ്പാലയിലെ സത്യ ലബോറട്ടറി ജീവനക്കാരിയായ സരള ജോലി കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടം. മൃതദേഹം ജില്ല ആശുപത്രിയിലേക്ക് മാറ്റി. പിതാവ്: പരേതനായ രാമൻകുട്ടി. മാതാവ്: ശാരദ. മകൾ: ശ്രീയ.
