ഖമീസ് മുശൈത്ത്: പ്രവാസം അവസാനിപ്പിച്ച് നാട്ടിലേക്ക് മടങ്ങാനിരുന്ന ആലപ്പുഴ സ്വദേശി ഖമീസ് മുശൈത്തിൽ വാഹനാപകടത്തിൽ മരിച്ചു. ആലപ്പുഴ ക്ഷണപുരം മുണ്ടക്കോട്ട വടക്കേതിൽ കുമാരന്റെ മകൻ രജിത്ത് എന്ന രാജീവാണ് (41) മരിച്ചത്. ഖമീസ് മുശൈത്തിനു സമീപം അൽഫറൈനിൽ രജിത്ത് ഓടിച്ചിരുന്ന ട്രെയിലർ മറിഞ്ഞായിരുന്നു അപകടം. സംഭവസ്ഥലത്ത് മരണം സംഭവിച്ചു. ഭാര്യ: സന്ധ്യ. മകൾ: ലോട്ടസ്. മൃതദേഹം അഹദ് റുഫൈദ ആശുപത്രി മോർച്ചറിയിൽ സൂക്ഷിച്ചിട്ടുണ്ട്. മരണാനന്തര നടപടിക്രമം പൂർത്തീകരിക്കാൻ അസീർ പ്രവാസി സംഘം ലഹദ് ഏരിയ റിലീഫ് കൺവീനർ മണികണ്ഠന്‍റെ നേതൃത്വത്തിൽ ശ്രമംതുടങ്ങിയിട്ടുണ്ട്.
