വാടനപ്പള്ളി: ചേറ്റുവ പാലത്തിന് തെക്ക് ലോറിയും കാറും കൂട്ടിയിടിച്ച് വീട്ടമ്മ മരിച്ചു. മകനും മരുമകൾക്കും പരിക്കേറ്റു. ആലപ്പുഴ പള്ളിക്കൽ ഭരണിക്കാവ് കാട്ടാച്ചിറ വിഹാർ രവീന്ദ്രൻറ ഭാര്യ ജയന്തിയാണ് (46) മരിച്ചത്. കാർ ഓടിച്ചിരുന്ന ജയന്തിയുടെ മകൻ പ്രഭു പ്രസാദ് (23), ഭാര്യ ആതിര (23) എന്നിവർക്കാണ് പരിക്കേറ്റത്. തിങ്കളാഴ്ച പുലർച്ചയായിരുന്നു അപകടം. ആലപ്പുഴയിൽനിന്ന് കോഴിക്കോട്ടേക്ക് പോയിരുന്ന കാർ എതിരെ വന്ന ലോറിയുമായാണ് കൂട്ടിയിടിച്ചത്. ഇരുവാഹനവും തകർന്നു. പരിക്കേറ്റ ഇവരെ തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജയന്തി മരിച്ചു. വാടാനപ്പള്ളി പൊലീസ് മേൽ നടപടി സ്വീകരിച്ചു.