ഗുരുവായൂര്: ക്ഷേത്രക്കുളത്തില് കൊടുങ്ങല്ലൂർ എറിയാട് മാടവന സ്വദേശി മുള്ളങ്ങത്ത് വീട്ടിൽ ബാലൻ (55) വീണു മരിച്ചു. ഞായറാഴ്ച രാത്രി ക്ഷേത്രനട അടച്ച ശേഷം 11.30ഓടെയാണ് സെക്യൂരിറ്റി ജീവനക്കാര് മൃതദേഹം കണ്ടത്. പൊലീസെത്തി മൃതദേഹം കരക്കെത്തിച്ചെങ്കിലും തിരിച്ചറിയാത്തതിനെ തുടർന്ന് മോർച്ചറിയിലേക്ക് മാറ്റി. കുറച്ച് കാലമായി ഇയാൾ ഗുരുവായൂരിലെ ചായക്കടകളിൽ ജോലി ചെയ്ത് വരികയായിരുന്നു. ക്ഷേത്രക്കുളത്തില് മരണം സംഭവിച്ചതിനാല് പുണ്യാഹവും ബിംബശുദ്ധിയും വേണ്ടി വന്നു. തിങ്കളാഴ്ച രാവിലെ 11വരെ ഭക്തരെ ക്ഷേത്രത്തില് പ്രവേശിപ്പിച്ചിരുന്നില്ല.