മൂവാറ്റുപുഴ: കൊടകരയിലുണ്ടായ ബൈക്കപകടത്തിൽ മൂവാറ്റുപുഴ സ്വദേശി മരിച്ചു. പുന്നമറ്റം പുത്തേത്ത് ഷംസുദ്ദീന്‍റെയും റംലയുടെയും മകൻ സുൽക്കർ അലിയാണ് (25) മരിച്ചത്. പെരുന്നാൾ അവധി കഴിഞ്ഞ് പാലക്കാട് കഞ്ചിക്കോട്ടെ ജോലിസ്ഥലത്തേക്ക് ബുധനാഴ്ച പുലർച്ച ബൈക്കിൽ മടങ്ങുകയായിരുന്നു. കൊടകരയിൽ ഇയാൾ സഞ്ചരിച്ചിരുന്ന ബൈക്ക് നിയന്ത്രണം വിട്ട് മീഡിയനിൽ ഇടിച്ചുകയറിയായിരുന്നു അപകടം. നാട്ടുകാർ ഉടൻ ആശുപത്രിയിൽ എത്തിച്ചെങ്കിലും മരിച്ചു. സഹോദരൻ: ഷഫിൻ.
