മൂവാറ്റുപുഴ: പിക്അപ് വാനും ബൈക്കും കൂട്ടിയിടിച്ച് അധ്യാപകൻ മരിച്ചു. വഴിത്തല ശാന്തഗിരി കോളജിലെ എം.എസ്.ഡബ്ല്യു വിഭാഗം അധ്യാപകൻ പാണേലി കൊമ്പനാട് കണ്ണാടൻവീട്ടിൽ ആനന്ദാണ് (26) മരിച്ചത്. ബുധനാഴ്ച വൈകീട്ട് ആറരയോടെ പെരുമ്പല്ലൂർ വി. പത്താംപീയൂസ് പള്ളിക്കുസമീപമായിരുന്നു അപകടം. മൂവാറ്റുപുഴ ഭാഗത്തുനിന്ന് എത്തിയ പിക്അപ് വാനും ആരക്കുഴ ഭാഗത്തുനിന്ന് വന്ന ബൈക്കും കൂട്ടിയിടിക്കുകയായിരുന്നു. പരിക്കേറ്റ ആനന്ദിനെ മൂവാറ്റുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. പിതാവ്: ലിൻസി. മാതാവ്: സ്‌നോബി. സഹോദരിമാർ: ശ്രുതി, സാന്ദ്ര.
