തച്ചമ്പാറ: മലമ്പുഴ ഡാമിൽ വയോധികനെ മുങ്ങിമരിച്ച നിലയിൽ കണ്ടെത്തി. തച്ചമ്പാറ തൃക്കള്ളൂർ നൊച്ചുള്ളി വീട്ടിൽ സുരേഷാണ് (65) മരിച്ചത്. ചൊവ്വാഴ്ച രാത്രി എട്ടോടെയാണ് മൃതദേഹം കണ്ടെത്തിയത്. മീൻപിടിക്കാനെത്തിയവർ അറിയിച്ചതിനെത്തുടർന്ന് മലമ്പുഴ പൊലീസും കഞ്ചിക്കോട് അഗ്നിരക്ഷസേനയുമെത്തിയാണ് മൃതദേഹം പുറത്തെടുത്തത്. മൃതദേഹത്തിൽനിന്ന് കിട്ടിയ ആധാർ കാർഡിൽനിന്നാണ് പേരും മേൽവിലാസവും ലഭിച്ചത്. തച്ചമ്പാറയിൽനിന്നെത്തിയ അടുത്ത ബന്ധുക്കളും മൃതദേഹം തിരിച്ചറിഞ്ഞു. മൃതദേഹം പാലക്കാട് ജില്ല ആശുപത്രി മോർച്ചറിയിലേക്ക് മാറ്റി. ഭാര്യ: ജയശ്രീ. മക്കൾ: കാർത്തിക്, ആതിര.
