പട്ടിക്കാട്: നിർത്തിയിട്ട ലോറിക്ക് പിറകില് ബൈക്കിടിച്ച് യുവാവ് മരിച്ചു. ആലത്തൂര് എളവുംപാടം സ്വദേശി ലക്ഷ്മണനാണ് (21) മരിച്ചത്. ഒപ്പമുണ്ടായിരുന്ന തമിഴ്നാട് സ്വദേശിയായ യുവാവിനെ പരിക്കുകളോടെ ആശുപത്രിയില് പ്രവേശിപ്പിച്ചു. വെള്ളിയാഴ്ച രാവിലെ വട്ടക്കല്ലിലാണ് മറ്റൊരു അപകടത്തില്പെട്ട് നിർത്തിയിട്ടിരുന്ന ലോറിക്ക് പിറകില് ബൈക്കിടിച്ചത്. വെള്ളിയാഴ്ച പെയ്ത കനത്ത മഴമൂലമാണ് ലോറി ശ്രദ്ധയിൽപെടാതെ അപകടം സംഭവിച്ചതെന്ന് സംശയിക്കുന്നു.
സെന്റ് ആന്റണീസ് എര്ത്ത് മൂവേഴ്സ് എന്ന സ്ഥാപനത്തിലെ ജീവനക്കാരനാണ് ലക്ഷ്മണന്. മൃതദേഹം ശനിയാഴ്ച രാവിലെ 8.30ന് പീച്ചിറോഡ് ജങ്ഷനില് പൊതുദര്ശനത്തിന് വെക്കും. സംസ്കാരം ശനിയാഴ്ച.