വാടാനപ്പള്ളി/കരുളായി: ലോറിയിൽനിന്ന് ക്രെയിൻ ഉപയോഗിച്ച് മരത്തടി ഇറക്കുന്നതിനിടെ ബെൽറ്റ് പൊട്ടി തടി ദേഹത്ത് വീണ് തൊഴിലാളി മരിച്ചു. മലപ്പുറം നിലമ്പൂർ കരുളായി സ്വദേശി കളത്തില്‍ മൂത്തേടത്ത് ഉമ്മറാണ് (63) മരിച്ചത്.ഏങ്ങണ്ടിയൂർ എത്തായ് തടിമില്ലിൽ ശനിയാഴ്ച ഉച്ചക്കായിരുന്നു അപകടം. ഏങ്ങണ്ടിയൂരിലെ സനാതന ആംബുലൻസ് പ്രവർത്തകർ ഉടൻ തൃശൂരിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ടിമ്പർ തൊഴിലാളി യൂനിയൻ (സി.ഐ.ടി.യു) കരുളായി യൂനിറ്റ് അംഗമാണ്.
നടപടികള്‍ക്കുശേഷം നാട്ടിലെത്തിച്ച് ഖബറടക്കും. ഭാര്യമാര്‍: സൈനബ, റാബിയ. മക്കള്‍: ഫൗസിയ, ഷിഹാദ്, തസ്‌നി, മുനീര്‍. മരുമക്കള്‍: ജാസ്മി, ജംസീല.
